David Brown VAK1   (1939 - 1945)

Etter at David Brown hadde produsert Ferguson-Brown Type A ei tid tok samarbeidet med Ferguson til å skranta. Ferguson gjekk då saman med Ford i USA og utvikla Ford-Ferguson 9N, medan David Brown utvikla sin eigen traktor, som fekk typebetegnelsen VAK1 (Vehicule Agricultural Kerosene 1). Det var Albert Kersey som var ansvarleg for utviklinga av VAK1.

VAK1 var ein stor traktor då han kom på marknaden i 1939. Med ei motoreffekt på 35 hk var han ein god del kraftigare enn hovudkonkurenten Fordson N, på 25 hk. Han var òg meir moderne (Ford-Ferguson 9N var ikkje i salg i Storbritania). Han hadde portalakslar, så frigångshøgda var på 40 cm.

Hydraulisk trepunktsoppheng var ekstrautstyr. På grunn av at Ferguson hadde patentert geometrien til trepunktsopphenget hadde VAK1 paralelle trekketenger. På grunn av patenta til Ferguson hadde han heller ikkje djupnkontroll.

VAK1 var ikkje heilt problemfri. Til dømes tok det lang tid før motoren vart så varm at han kunne kjøyrast på TVO og sjølv når motoren var varm gjekk han ikkje like jamt på TVO som på bensin. Men på grunn av 2. verdskrig vart det ikkje tid til å gjera noko med desse problema før etterfyljaren VAK1A vart innført i 1945.